كل سنة وانتم طيبين جميعا ... حد ياجماعة دخل سينما ايه رايكم فى الافلام ؟؟
عرض للطباعة
كل سنة وانتم طيبين جميعا ... حد ياجماعة دخل سينما ايه رايكم فى الافلام ؟؟
وحضرتك طيبة يا استاذتنا وعيد سعيد ... انا مدخلتش الحقيقة سينما لكن ليا صحابى راحوا السينما
فقالولهم احسن فيلم موجود هو عبده موتة
بس هم كانوا عايزين يدخلو فيلم تانى بس ماكنش فيه تذاكر ساعتها و بصراحة تقريبا ضحكوا عليهم فى السينما
وقالولهم دة فيلم حلو هههههه
والحقيقة انا مش عارف هم دخلوا ازاى فيلم اسمه كدة ... لكن مش حقول غير ان وصفهم للفيلم
عبارة عن اسوء السلبيات اللى احنا بنكرهها واللى احنا بنهرب منها فى مجتمعنا كانت معروضة فى الفيلم السينمائى
سواء بقى الفاظ بزيئة او صيع او خناقات اواواو .. بالاضافة ان مافيش قصة اصلا يعنى مش حتى زى ابراهيم الابيض ..
لا دة الواحد يدخل الفيلم يتفرج على شتايم وضياع ويطلع
يعنى من الاخر محدش يدخل الفيلم دة خاااالص .... علشان فى ناس بتدخله وهى مش عارفة محتوى الفيلم
راي فيلم 30 فبراير هيكون حلو
كوميدي باحترام للمشاهد ..
You Mean مسخرة العيد انا فى جمله قابلتها على الفيسبوك عجبتنى جداً
مطرب شعبي + رقاصة + كلام سافل = فيلم من إنتاج السبكي
ده ال هو عبده موته
فى فيلم ساعه ونص انا حاسس انه ممكن يكون كويس ابطاله كتير وفكرته حلوه
والباقى لا يوووووووووووووووووووووجد فيلم من الاساس
هل يوجد افلام امريكيه في دور العرض حاليا؟
أفلام منتهى السفالة والمسخرة وقلة الأدب
للأسف دخلت الأنسه مامى بناع ياسمين عبدالعزيز مع خطيبتى
وعبده موته مع اصحابى ربنا يسامحهم بجد
الفيلمين ولا ليهم مليووووووووووون لازمه بصراحه كده
المتوقع يعنى ... فيلم برتيتا ممكن يكون حلو ؟؟ .... 30 فبراير ده بقى او تيتة رهيبة مثلا ممكن يكونوا معقولين حاسة انهم برضه حيكونوا ضايعين
30 فبراير دخلته مش قد كدا خالص كنت متوقع حاجة احسن من كدا الصراحة
الأفلام الموجودة كلها خسارة تدخل
ومفيش اجنبى غير taken 2
بلاها سينما خالص :( .... لما يعملوا افلام عدلة .... المصيبة انهم بيتباهوا بالايرادات بعد كده
تيته رهيبه = تيته ملل